___ கவிஞரேறு அமலதாசன்
அலைபாடும் கடலும் அணியாடும் கலமும்
அரசோச்சும் எழில்தங்கத் தீவு !
நிலையான வளமும் நேரான வாழ்வும்
நிறையாகும் எம்சிங்கை நாடு !
பொருளாடும் தொழில்கள் பொலிந்தாடும் துறையாம்
புவிமீதில் புகழ்கொண்ட சிங்கை !
திருவான கலைகள் செழித்தோங்கி வளரும்
தெய்வீகத் திறனாடும் இங்கே !
விதைக்கின்ற தெல்லாம் பொன்னாகும் விளைவை
விளைக்கின்ற நிலமிந்த நிலமே !
வதைக்கின்ற வறுமை வளம்குன்ற உழைக்கும்
வலிமைகொள் நலமெங்கள் நலமே !
பெரும்நான்குக் குடியும் அரும்நான்கு மொழியும்
பிணைந்தாளும் சிறப்பெங்கள் சிறப்பே !
உருவான அன்பால் உறவானோம் இங்கே
ஒருதாயின் பிறப்பெங்கள் பிறப்பே !
குறிப்பு: ______________
"அலைபாடும் வளநாடு...!" ஒரு விளக்கம்.
1975ஆம் ஆண்டு, தேசிய அரங்கக் காப்புக் குழுவும்,சிங்கை
வானொலி நிருவாகமும் கூட்டாக நடத்திய `நம் பாடல்கள்`
என்னும் தலைப்பிலான, சிங்கையின் நான்கு தேசிய
மொழிகளுக்குமான பாடல் இயற்றும் போட்டியில், சிறப்புப்
பாடலாகத் தேர்வு பெற்று, சிங்கை வானொலியிலும்; தொலைக்
காட்சியிலும் பலமுறை ஒலி; ஒளிபரப்பு கண்ட தேசியப் பாடல் இது.
Subscribe to:
Post Comments (Atom)
No comments:
Post a Comment